我個uhhooh日記又開番啦~雖然好唔穩定,但係用開有條路呀ma~

請大家多多支持!!!

做咩我次次做 listening都咁低分架!!

Econs堂同Kari,小骨骨&Sonic吹水,TPN冇鬧到!!果然係私生子呀下~一次旅行就搞出咁多麻煩野,真係...唉~原來Sonic都想買K800i架~果然有taste有品味~我都好鐘意果部機呀!!而家用緊果部samsung成日hand機!!真係好想換機,奈何...3280蚊!!SO貴~有排先儲到錢哦~~

lunch完行番學,點知行行下先發現唔記得拎對波鞋~!頂~即刻極速狂奔番屋企~再出門口果時得番10分鐘都唔知有冇,但係又唔想搭的士wo~於是又極速狂奔!!用左8分鐘就跑晒平時要行15分鐘既路程!!跑到胃痛~

PE堂,體適能...OMG!~諗住中六唔使啦,點知都係離唔開個惡夢~我已經半年多冇做過運動了~陰公!最囉命果個九分鐘耐力跑...1100m...未試過咁少.....嗚嗚嗚~~算啦~

中文堂討論性教育,講到high high地,擰左後面同dus dus哥,奶文同進哥討論...健康既性知識!!真係愈傾愈開心~下次有機會再分享過~~差唔多成班個心都飛左去流水響(到而家我都未識讀個字...=_=')...

番屋企沖左個靚涼就玩電腦,打打下篇日記,正當我就黎打完之際...點知...個電箱跳掣...停晒電!=_="之後開番個掣,再開電腦打過,打左幾行之後...又停...再開...又停....再開......如是者興興地唔玩電腦,去睇多啦A夢,正當佢唱完隻歌之後,"釣雲機"......又停....再開.....今次仲"pop"左一聲~連燈都熄埋~之後就開唔番個掣了~諗住睇新地,點知...太陽落山...唔通連個天都唔鐘意我???唉~唯有Z Z Z~啦...

訓訓下之際,JU JU打黎叫我買野飲~oh no~~咁重~我弱質纖纖.......哈哈哈~~算啦~為左D印花&積分...XD~

PS~唔經唔覺又一個月了,點解我好似同老友s~(特別係梁粉)少左密針既??